|
| 6/8/2009 差唔多又係時候黎幫我個板板黎除左下毛毛虫喇 -V- 我諗再係咁落去真係遲早連菇菇都出埋咖喇,, XDDDDD" 一早落去等車...哇靠 =口=!! 使唔使咁長個條龍...!!! 等啊等..等啊等...又後轉車...八點七先番到公司..唉...又遲左... 番到去做做下野..做到十一點幾..哇 =口=!! 突然間落狗屎..成個寫字樓剩係聽到雨聲...完全聽唔到其他聲..賣吉...好在唔關我事..我都係公司食完野之後訓覺既,,, -v-" 點知就係呢個時候..Diasy就話一齊落大圍食飯,,, 順手買埋下靴..... 之後我就話..我銀行得番四舊水咋 -﹏-" 放過我吧..點知都係講唔掂佢....比佢同阿霖兩個捉左我走.........終於去到馬鐵站...條牛仔褲濕到上小腿..後悔喇...一開始堅持啲唔去咪一天都光哂囉 /口\"" 去到果間鋪頭一睇,, 先見到營業時間2:00PM - 11:00PM...真係爽囉...剩係番九個鐘...Diasy見到勁唔開心..我就不知幾安心...幾驚自己把持買埋呀 >﹏<" 之後去左果個什麼什麼金禧商場行左陣 -v-見到有兩隻係出面未見過既pooh仔公仔..睇中左隻大既...二百幾蚊 =v= 買左既話..我之後點算!? 聽日先出車准...之後細果隻89...已經心大心細諗緊買唔買...點知阿姨既一句說話令我下定左決心..."買埋佢啦,, 最後一隻喇冇貨咖喇" 仆鎚!!! 之前試過既經驗係..見到有野想買..諗住過多幾日出糧先買啦,, 點知..出左糧去睇已經比人買走左..仲要間廠話唔會再出...我足足灰左成個月丫!! /口\ 傷心呢....我唔要再試多第二次!!! 買完之後去左隔離間買童裝衫既鋪頭, 阿霖忙住幫佢兩個姪仔揀衫衫.. 依家啲小朋友真係好幸福丫,,想當年.....我仲要著兩個阿哥著過既舊衫 T^T (唔抵得中) 之後眼光比掛牆兩件大人碼既衫吸印住,, 叔叔話果啲係親子裝 -V- 佢話好多爸爸都有買,, 諗起都好warm @3@ 之後就去左食日本野,, 兩點鐘先番到去,, 呢啲天氣係咁唔想做野咖喇,, 吹咩 @v@ 呵欠 @﹏@ 眼仔訓喇,, 打住咁多先,, 屙完篤唔唔要碌上床訓喇,,, | | |
| 嘿嘿,, 岩岩先發覺我又n年冇打過xg喇 -v- 冇計啦,,懶虫係咁上下咖喇 XDDD” 30/5/2009 呼,,, 起身果陣真係倦到唔想起身落床,, 好鬼眼訓丫 =﹏= 終於挨到收工喇,, 拿拿聲番屋企換衫出去 -V- 落到九龍灣同死人頭會合佢再陪我出佐敦拎野之後再過牛頭角搵衰婆同南瓜 -v- 上到去好快咁作左一陣法,,, 之後佢地就迫我學鬥地主喇 -0- 由凌晨點幾鬥到第二日十二點幾,, 媽咪丫,, 我唔想番到屋企訓覺發夢都仲鬥緊丫,, -﹏-“ 玩到四點幾,, 我, 死人頭同埋死婆就落左官塘行下,, 行左陣去左粥鋪坐,, 坐左陣荊仔都過埋黎…哇靠!! 未曾食過咁難食既蘿蔔糕囉… 我話唔餓唔肯食..衰婆同荊仔仲話要餵我食囉 -.-“ 冇奈到震…. 食完之後就搭車上油塘,, 吹水吹到十點幾就走人喇 -V- 走之前見到康仔,, 完全唔哂樣 = = 同埋比起上次見佢仲要大隻左好多,,, 我究竟幾年冇見過佢呢 = =? 唉…聽日又要番工… 究竟幾時會頂唔順遞信走人呢,,? 八婆 , 我忍你唔代表我好蝦, 我只不過係敬老囉!! =] | | |
| 嘿嘿..原來又不知不覺就黎兩個月冇打過xg喇 -.-|| 再係咁落去個xg真係遲早俾毛毛虫蛀爛咖喇 XD 呢排都發生左幾多事...但唔開心既野冇謂打落xg度啦,, 係咪先? =3=? 就講番上個禮拜先 @@" 我地有型靚仔既健叔生日喇,, 嘿嘿 =3=v 原先我地都唔知果日係佢生日, 健嬸同埋阿姐叫我地去飲茶,, 原先俾公司果班咁既屎忽鬼激到我紮紮跳,, 去到茶樓果陣心情仲係好差, 佢地同埋ken ken果啲係咁引我笑,, 又係咁質我食野,, 勁變態囉 -0- 去到tea time果陣, 健嬸佢地鬼鬼祟祟咁叫埋我同阿霖落茶水房,, 一落到去就見到好大個蛋糕囉,, woo..~))) @@"""" 之後仲影左好多相相同埋大合照, 最慘就係壽星仔, 我地嗌佢擺post擺到佢傻左 XD 我估佢個心應該諗緊 "究竟幾時先食得個蛋糕咖?" XDDD 之後就由我帶頭唱生日歌,, 唱到寫字樓果邊都聽到 XD" 最好笑就係Vincent聽到有人唱歌走入黎睇咩事 XD" 
↑ 由右向左睇..將佢睇左做柏松如毛...俾班屎忽鬼笑左好耐囉 =_____=|||  ←佢地同蛋糕上面既公仔似唔似樣? XD
 ← 健叔既靚仔樣 XDD"
 ←被迫渣住把刀擺POST XDDD
鈴仔最鍾意佢地咖喇 -3- 最衰我地唔係同一間公司咖啦 =﹏= 不過佢地都係咁錫我地既, 嘻嘻 @3@ | | |
| 突然間發覺原來已經冷落左個xg好耐嚕 @﹏@ 為免陣間有虫虫咬爛我個xg,, 所以都係打番 拿拿林打番篇新野姐 -3-" 25/12/2008 好西利 -v- 訓左十幾個鐘..由朝早五點幾訓到晏晝四點幾,, (唔通我真係豬黎既? XDD") 媽咪同老豆哥哥果啲已經飲完茶番黎喇, 咁就是但食啲口垃圾醫住肚仔先啦 -3- 二哥突然間提起官塘APM間板前壽司幾好食, 又話做緊特價三文魚壽司先幾蚊一碟, 咁媽咪就問我去唔去啦 @@ 打電話去問, 先知原來聖誕期間冇特價囉 =口= 灰左... 媽咪問咁仲去唔去.. 最後屈左二哥請 XD" 突然間呢個時候媽咪電話響,, 原來係公司打黎叫佢加班, 咁就唯有等佢十點鐘收工去食啦 -3- 去到咁上下時間, 就同二哥出門口, 今日拎左對新買既高踭既boot出黎著 -v- woo....著左感覺好似高左好多 -3- (感動ing..) 不過由於第一次著有踭既鞋, 行得好唔穩 -v- 又怕行得唔自然會俾人笑,, 又怕會仆街, 好慘 =口=!! (愈黎愈佩服果啲著住幾吋高豆擰踭追巴士既OL =..=") 終於去到目的地喇 @@ 拎飛仔果陣見到有個著黑衫應該係店長既哥哥仔..個頭十足成個i luv you boz咁...黑色既大爆炸頭 =口= 不由得係心中大嗌一聲...型!!! 唔知係佢個人喜好丫定係公司要佢咁整呢,, 不過真係愈睇愈cute -3-" 二哥衰仔到仲要拎走左張飛仔去周圍行... 到左嗌到我地no果陣..好在果個又型又得意既哥哥仔話幫我留住先姐 -3- 嘿嘿,,, 終於都入到去喇,, 啲壽司都幾好食,, 但美中不足既就係可能果日太旺喇,, 啲人做唔切...整到啲手握壽司一夾就散哂 =.=" 仲要撞正隻飛滋..啲豉油拿到我飛起 -口-!!! 同媽咪嗌左一個牛奶布丁同埋芝士蛋糕, 一人一半 -3- 牛奶布丁真係牛奶味 -3- 好正... 芝士蛋糕就有好香濃既芝士味,, 細細件同媽咪孖份就岩岩好喇 -3- 到最後二哥俾錢,, 我就同埋大哥夾錢送左部眼部按摩機俾媽咪 (其實我地都有份用 XDDD") 食完行出黎果陣撞到大哥同霞姐姐, 又會咁岩又係度拍拖拖既, kaka,, 二哥就慘喇, 女朋友好似食錯野胃痛要係屋企休息, 搞到二哥要一支公過聖誕....可憐 -0-" 食飽飽左之後同媽咪&二哥走左去試坐按摩椅, 真係想搬番張番屋企,, 可惜冇地方放 -v- 坐到媽咪個朋友夠鐘收鋪,, 我地行左陣就走左嚕,, 番到屋企大哥俾左份聖誕禮物我 -3- 係佢同霞姐姐買俾我既pooh仔鎖匙扣 -3333333333333- 靚到丫,, 實在太幸福喇,, 生日同聖誕佢地都有禮物俾我, kaka...~)))) 等[車立]果陣,, 媽咪問我見到條街咁多一pairpair, 有冇重想拍拖既衝動,, 我直接答佢冇,,,冇就呃人既, 但冇人吼有咩計仔姐,, 唉... 為想拍拖而拍拖都唔會行得長... 加上我呢啲咁既豬扒...唉 -0- 摺埋心水做老姑婆算喇 T^T 哭... 今年聖誕都仲有屋企人陪我過, 都算幸福啦 -3333333333333-" 26/12/2008 訓到點幾鐘起身, 同屋企人落街飲完茶之後就番屋企繼續上網, 媽咪話隻手痛就好乖乖女咁幫佢鍊左幾下 (自己讚自己 XD") 二哥就度練鼓... 真係他媽的想嘈死人麼 -﹏-" 五點幾果陣阿溪打黎落新蒲崗食飯, 緊係好咖 -3- 八點鐘左右出到去, 佢地係雀館落黎接我, 之後去左打邊爐, 有阿溪, 阿成, 阿傑, 阿豪, 阿裕, 阿傅, 阿海 & 阿海條女, 打完邊爐又走番上雀館,, 開左兩枱, 阿傑, 阿成, 阿豪 & 阿海條女就打一枱, 我地幾個就等阿姐走左之後偷偷地玩啤牌, 開頭佢地玩十三張, 我唔識玩就坐埋一邊睇水, 阿裕輸到啲表情幾冇奈.. 我地就笑餐死, 最後阿裕輸哂就接我, 開始玩左幾鋪三公, 玩到悶就玩廿一點 (無計..太多野唔識玩, kakakaka) 拎左廿個籌碼玩兩蚊隻, 嬴左幾鋪五龍又中左幾鋪岩岩廿一點又爆左幾鋪又食左幾錢夾棍.. 好裕睇下嬴左好幾鋪又心思思.. 但冇奈在佢冇工番冇水玩, 咁我就同阿傳一人俾左五個籌碼佢玩, 點知佢一埋場.. 莊家即開廿一點全場輸 -.-"" 係咪邪成咁... 經過一輪激鬥後, 唔計俾左阿裕果五個壽碼我仲有廿個壽碼係度, 冇多冇少唔使俾錢, 莊家嬴左四十幾蚊, 我實在太叻女喇 -3- 計埋之前一年新年同佢地又係賭幾蚊鋪之後呢次第二次玩錢, 上次都賺左廿幾蚊今次就十蚊, 好在兩次都冇輸錢, 唔係俾媽咪知就死緊喇 -0- (佢唔鍾意我地玩錢) 玩到兩點幾就散水搭的士番屋企 -3- 好耐未試過咁人齊嚕 -3- 最鍾意同佢地一齊玩咖喇, 嘻嘻 =3333333333333333= 我有一班錫我既好朋友, 仲有好錫我既屋企人, 我係一個幸福既人 =3=+v | | |
| 14/9/08 晏晝點幾鐘終於番到屋企嚕...呼..好倦.... 番到屋企呆下呆下...邊等電話邊發呆...果然都係等唔到...六點幾果陣打俾阿溪問有咩搞, 九點落新蒲崗打邊爐, 拿拿聲沖涼換衫 =﹏= 出到去佢地都係岩岩坐低, 唔係遲好多姐, 嘿嘿... 去到先知阿溪帶埋左樂林出黎, 打邊爐都唔係食野飽而係睇住佢笑飽既, 樂林成晚係咁玩超人打怪獸遊戲, 阿豪同阿成兩個就變左怪獸, 仲要係打不死果隻, 俾樂林用超人死光殺左幾次都仲未可以死去食野..好慘 XDD" 睇住班大男人同個塞豆翁玩得咁開心就更加好笑 -V- 阿成個死仔仲教樂林番幼稚園唔可以同同學仔打交... 咳咳....算吧啦...hahahahaha... 男人果然都係有愛心既好, 成日撩事鬥非既就最討厭 =﹏= 搭"車立"落去果陣, 阿海仲要強抱樂林..搞到樂林差啲喊, 原來阿哥會嚇到細路仔喊咖...kakaka...~)))) 之後阿豪陪我等車走... 上車果陣打左俾佢... 話喉嚨痛緊喎...把聲好番啲先打番俾我... 希望唔係扮出黎咖啦可... 果然,,,凡事唔抱希望就唔會有失望.... 係你俾希望我既.. 男人果然都係一銀樣既... 哭了...你知道..咁又點? 講既同做既根本就係兩碼字既事...講完又講都係咁.. 咁就過左個不知所謂既中秋....... =﹏=" | | |
|
